Proost op ut laeve!

Tekst: Robbert Coenen & Guido Peeters

Muziek: Robbert Coenen

Intro: Jalalalala

Cplt 1

As ich zooi moge winse, dan stopdje ich de tiêd 

Door tegeslaâg in ’t laeve, raakse dich soms waal ins kwieët 

Mer ich laot mich neet braeke, ich haoj steeds gooije mood 

Wae stoppe noê mèt mäëke, dan keumtj ut zeker good 

Vastelaovendj same ein

Ut bringtj hieël Limburg kort bie-ein

Refr:

Höf dien glaas omhoeëg op ut laeve

Proost op minse die hiê neet zeen

’T is aaf en toe get neme en gaeve

Neet alles is dèk te veurzeen 

Kom wae dreenke eine, veul dich vriê

Opdet wae hiê same weer staon

Geneet edere daag van ut laeve hiê

Mèt eine lach en mèt ein traon

Tussenspel: Jalalalala

Cplt 2

As ich zooi moge winse, heb ich dich gaer d’r biê

Ich kan dich gaar neet misse, zoeë same zie aan zie

Mèt dich wil ich verdwale, dansendj door de nacht

Gelöksmomente make, nog sjoeëner dan verwachtj

Vastelaovendj same ein

Ut bringtj hieël Limburg kort bie-ein

Refrein….

Brök:

As de waereldj effe stil steit door groeët of stil verdreet 

Laot dan de kop neet hange, want verder keumse neet

Refrein:…….

Outro:

Jalalalala

Vastelaovendj ich laot dich noeëts mieër gaon…