Ich laef veur vastelaovendj       

T. Jan & Robbert Coenen &  Guido Peeters / M. Robbert Coenen

Intro: jalalalalalala

Refrein:

Ich laef,  veur,  ’t fieëst van ’t jaor

Verlang,  nao,   ’t fieëst van ’t jaor

Edere daâg  eder oôr,  ‘t geit almer doôr

Vastelaovendj ich droum lekker doôr

Couplet 1:

Ich deenk d’r eder oôr waal aan,  ich weit mich geine raod

Mien vrouw die zeet, “Doot röstig sjat”, det kan toch geine kwaod

Confetti oppe bòterham in plaats van hagelslaâg 

Elluf kiêr de douche in gaon, gebeurdj mich edere daâg

Opmaot:

Waat mèt aafstândj ‘t bèst bevèldj

En mich ‘t hieël jaor bezig hèldj

Couplet 2:

Heb hieël ’t hoês sjoeën ingerichtj, heb alles roeëd, gael, greun

De kast, de bank, de vloer en zellufs auch mien vrouw heur föhn

Ballonne hange aan de lien, de was liktj oppe groôndj

Jao ederein weurdj gek van mich, auch zellufs oze hoôndj

Opmaot:

Waat mèt aafstândj ‘t bèst bevèldj

En mich ‘t hieël jaor bezig hèldj

Brök:

Vanaaf aswoonsdig eskaleerdj mich alles oet de hândj    

Mer elluf elluf geitj weer los dan zèt ich alles aan de kântj