Gelöksmoment       

T. Jan & Robbert Coenen &  Guido Peeters / M. Robbert Coenen

Intro: jalalalalalala

Cplt.1

Ich laup ut kefee in en zeen dich staon

Dan weit ich ut is nog lang neet gedaon

Sjoenkele, fieëste, same get zinge

Deze dans gaon wae neet òntspringe

Euveral op straot, verdwaaldje pruuke

Kinst de mik van de bekker al ruuke

Dit sjoeëne moment keûmtj eder jaor trök

Dit is echt vastelaovesgelök

Refr.

Wae veere en geneete van dit sjoeën gelöksmoment

Laef dien laeve, lang laeve de lôl

Dit hiê en noê belaeve wae,         

Get Lache kòstj dich geine cent

’t Glaas neet halluf leeg mer halluf vôl

’t Glaas neet halluf leeg mer halluf vôl

(Jalalalalalalalal lalalalala lalalalala)

Cplt.2

De daag zeen lânk, wae gaon wie eine trein

Opa dae lachtj, en haeltj òs op de bein

Same met zien joonk gelök ziej aan ziej

Maaktj hum gruuëts en zeker auch hieël blie

Koestertj de tiêd dae hae belaeve maag

Want vastelaovendj, zeen de sjoeënste daag

Mer op aswoonsdig dan deenktjer weer trök

Aan die sjoeën momente, van gelök

Refr  

Brok

En as ich al waat ich woeëj, mèt heb gemaaktj

En dao knipaugtj ein ster-ke nao mich 

Draum ich trök euver toen, ich bèn blie en content

Det is ein vastelaoves gelöksmoment

(Jalalalalalalalal lalalalala lalalalala)

Refr

Slot

Wae veere en geneete van dit sjoeën gelöksmoment

Laef dien laeve, lang laeve de lôl